كود- وكالات//

الممثلة البريطانية إيما تومسون حركات نقاش كبير من بعد ما كانت قالت بلي الجنس عندو فوائد على صحة الإنسان وجودة الحياة، لدرجة أنها اعتبرتو خاص يكون من ضمن الخدمات اللي كيقدمها النظام الصحي البريطاني NHS.

هاد التصريح جا فإطار نقاش على فيلم Good Luck to You, Leo Grande، اللي لعبات فيه تومسون دور أرملة كتقرر، من بعد سنوات طويلة،  بعامل جنس باش تكتاشف جانب من حياتها ما عاشاتوش بالشكل اللي كانت باغياه. الفيلم كيهضر على الوحدة، التقدم فالسن، صورة الجسد، والرغبة فالتواصل والحميمية.

تومسون ركزات فكلامها على أن الإنسان ما كيحتاجش غير للعلاج والأدوية ملي كيكون مريض، ولكن حتى للتواصل واللمس والحميمية، خصوصاً بالنسبة للناس اللي كيعانيو من الوحدة والعزلة ،ومن هاد المنطلق، قالت بلي الجنس يقدر يكون عندو تأثير إيجابي على الصحة النفسية وعلى جودة الحياة.

هاد التصريح فتح نقاش كبير على العلاقة بين الصحة والحياة الحميمة، واش فعلاً الحميمية ممكن نعتابروها جزء من الرفاه والصحة النفسية، خصوصاً عند الناس اللي كيعانيو من الوحدة؟ ولا أن هاد الجانب من حياة الإنسان خاصو يبقى مسألة شخصية، وما عندوش علاقة بخدمات الدولة؟