الرئيسية > الزين والحداكة > الممثلة آمال صقر كتعيش أسوء أيام حياتها بعد الطر لي ضربات ليها طليقة الرابور مسلم -تصاور
03/12/2019 12:00 الزين والحداكة

الممثلة آمال صقر كتعيش أسوء أيام حياتها بعد الطر لي ضربات ليها طليقة الرابور مسلم -تصاور

الممثلة آمال صقر كتعيش أسوء أيام حياتها بعد الطر لي ضربات ليها طليقة الرابور مسلم -تصاور

نجوى المالحي-كود//

24 ساعة دازت على الطر لي ضربات طليقة الرابور مسلم ليه وللممثلة أمال صقر لي كتجمعها بيه علاقة حب.

صقر خرجات اليوم فالصباح ببوسطات في انستكَرام مافيهم حتى جملة مفيدة، الاولى تصويرة فيها واحد راسو عامر ساكت  واللي راسو خاوي كيغوث، والتصويرة الثانية فيها الضد ديال les 3singes de la sagesse لي نورمالمون كيكون واحد فيهم شاد عينيه، والثاني ودنيه والثالث فمو، هادو مطرطقين عينيهم ووذنيهم وحالين فمهم.

وعوض تدير شي رد فعل وتقول جوابها على هاد الشوهة لي تحطات فيها، صقر مفضلة تسكت وماتجاوب حتى واحد فالتليفون، وتبقى غير كتمعني ببوسطات فانستگرام ديالها.

والقرار لي خدات الممثلة هو تسد التعاليق في الكونط ديالها باش ماتقراش الكلام الجارح لي بدون شك غادي يكتبوه ليها المتتبعين.

موضوعات أخرى