الرئيسية > تبركيك > الملياردير كريم التازي او دبانة جديدة من الدبان الالكتروني للبي جي دي. مكلف بتوزيع فيديوات الازمي وبنكيران ضد اخنوش
06/09/2021 11:00 تبركيك

الملياردير كريم التازي او دبانة جديدة من الدبان الالكتروني للبي جي دي. مكلف بتوزيع فيديوات الازمي وبنكيران ضد اخنوش

الملياردير كريم التازي او دبانة جديدة من الدبان الالكتروني للبي جي دي. مكلف بتوزيع فيديوات الازمي وبنكيران ضد اخنوش

كود سعيد الشاوي ///

الملياردير كريم التازي مول رشبوند واللي كيتقلب فاراؤو السياسية انضم للذباب الالكتروني لحزب العدالة والتنمية. هاد اليومين ولى متخصص يرسل اي حاجة ضد رئيس التجمع الوطني للاحرار للائحة صحابو عبر الواتساب.

رسل فيديو ادريس الازمي الادريسي اللي قال فيه ما اعتبرو اسباب باش عزيز اخنوش ما يكونش رئيس حكومة واخا يربح الانتخابات. شفو السي كريم المدافع فصحف الغرب على الديموقراطية٬ كيفاش كيفهم هاد الشي. منتهى التناقض.

ثم رسل لنفس الاصدقاء ديالو فيديو عبد الاله بنكيران اللي دارو البارح واللي خصص الجزء لكبير منو باش يعاود هدرة الازمي ويقول باللي اخنوش ما خصوش يكون رئيس حكومة واخا حزب الاحرار يربح الانتخابات.

دابا هاد الملياردير اللي كان اكثر من 50 عام محتاكر سوق الناموسيات وداير تواطؤ مع برادة باش يجيب كل واحد مرة باطو ديال المواد الاولية ويخليه حتى يخرج السلعة للسوق٬ عاد يمشي الثاني يجيب باطو اخر يربحو لملاير ويحتاكرو السوق٬ كيهدر على الشفافية والحكامة اليوم.

بغى يدير السياسة٬ يهبط يشارك فالانتخابات. ياخد الشرعية الشعبية. يولي عندو صفة.

مزيان يولي ذبانة ديال البي جي دي غير هو خاصو الجرأة ويخرج يعبر. مالو خايف. علاش كيفرقها غير على صحابو. هي حتى هادي من مهام الذبان ولكن الذبان اللي فاسفل السلم ماشي حتى الذبان لكلاص

موضوعات أخرى

16/09/2021 10:00

صرخة مالك مطاعم كازاوي: واك واك راه كنموتو وياك كورونا تراجعات علاش مازال قاتلينا بالتسعود وفتحو وفرضو الپاس سانيتار