وكالات//

نوضات واحد العالمة ميريكانية الروينة بين بريطانيا وميريكان بسباب الرأي ديالها على القهوة وأتاي ديال بريطانيا، وهو شي لي خلا السفارة دميريكان فالنكَليز تدير بيان كاع.

هاد العالمة لي سميتها ميشيل فرانك، قالت للنكَالزة بأنه خاصهم يزيدو الملحة ف أتاي ولا القهوة ديالهم، وهو الشي لي ماعجبش النكَالزة ونوض الصداع على السوشيال ميديا.

هاد الصداع خلا السفارة دميريكان تدخل على الخط، ودارت بيان كتقول فيه أن هاد القضية ديال الملحة ماشي سياسة رسمية ديال ميريكان وماغاديش تولي سياسية ديالها أبدا”.

للإشارة الحساسية ديال أتاي والقهوة بين النكَليز وميريكان، راجع للثورة الميريكانية لي كانت عام 1733 راه ناضت بعدما رماو الميريكانيين 300 صندوق ديال أتاي ف البحر كيحتجو على الضرائب ديال بريطانيا، لي كانت حاكمة داك الساعة تما.