الرئيسية > آش واقع > المقاول لي داير جمعيات محاربة الفساد فالعاصمة طاح فملف جديد فيه التزوير فمحرر بنكي فصفقة لوزارة الثقافة وبنك المغرب فرشو
22/05/2022 13:30 آش واقع

المقاول لي داير جمعيات محاربة الفساد فالعاصمة طاح فملف جديد فيه التزوير فمحرر بنكي فصفقة لوزارة الثقافة وبنك المغرب فرشو

المقاول لي داير جمعيات محاربة الفساد فالعاصمة طاح فملف جديد فيه التزوير فمحرر بنكي  فصفقة لوزارة الثقافة وبنك المغرب فرشو

كود الرباط //

علمت كود من مصادر جيدة الاطلاع ان قاضي التحقيق بالغرفة الثالثة بالمحكمة الابتدائية بالرباط، قرر متابعة المسمى س.ش بتهمة التزوير في محرر بنكي واستعماله والنصب.

القضية حسب وثائق حصلت عليها “گود” تتعلق بتزوير محرر بنكي واستعماله فصفقة ديال وزارة الثقافة، بحيث أن بنك المغرب فرش القضية فاش دار مراسلة للمؤسسات البنكية حول الضمانة البنكية موضوع التزوير.

المتهم المتابع معتقل حاليا بسجن العرجات بسلا على ذمة قضية اخرى تتعلق بالتزوير في محرر عرفي واستعماله وانتحال صفة محامي والنصب وادين ابتدائيا بسنتين سجنا نافدا ومازال الملف كايروج فمحكمة الاستئناف بالرباط .

الغريب في الامر هو ان هاد الشخص كان كايقول وكايدعي بانه كايحارب الفساد وبانه كايدافع على المقاولين من الطبقة المتوسطة؛ وعلى هاد الاساس دار جوج جمعيات سماهم “الاتحاد الوطني لمقاولي المغرب” و “الهيئة الوطنية لتقييم تدبير الشأن المحلي ومحاربة الفساد.
نفس المتهم عليه أبحاث الفرقة الوطنية بخصوص الشكاية اللي رفعها الرئيس الاول للمحكمة الادارية الاستئنافية بالرباط واللي موضوعها تسريب اسرار مهنية والابتزاز المتهمين فيها الكاتبة الخاصة للمسؤول القضائي وهاد المتهم س.ش.

موضوعات أخرى

24/06/2022 23:00

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا