الرئيسية > آش واقع > المفوض السامي لحقوق الإنسان هدم أطروحة الحرب اللي كتروج ليها البوليساريو ونظام العسكر فالصحرا
04/03/2024 17:00 آش واقع

المفوض السامي لحقوق الإنسان هدم أطروحة الحرب اللي كتروج ليها البوليساريو ونظام العسكر فالصحرا

المفوض السامي لحقوق الإنسان هدم أطروحة الحرب اللي كتروج ليها البوليساريو ونظام العسكر فالصحرا

الوالي الزاز -كود- العيون///

[email protected]

دار المفوض السامي لحقوق الإنسان، فولكر تورك، اليوم الاثنين الموافق لتاريخ 4 مارس 2024، كلمة فأشغال الدورة 55 لمجلس حقوق الإنسان التابع للأمم المتحدة، تطرق فيها للنزاعات والأزمات للي كاينة فالعالم المؤدية لانتهاكات جسيمة فمجال حقوق الإنسان.

وفهاد الكلمة اللي قدم المفوض السامي لحقوق الإنسان، فولكر تورك، هدر على النزاعات اللي كتشغلو  وانعكاساتها وخصص بالاسم الدول المعنية بهاد الأزمات فالعالم والوضع للي فيها، بحال اليمن وميانمار وجنوب لبنان والأراضي الفلسطينية والسودان ومنطقة القرن الأفريقي والكونگو الديمقراطية وغزة وسوريا وأوكرانيا وإثيوبيا ومالي وبوركينافاسو والوضع فالبحر الأحمر والبحر الأسود وشبه الجزيرة الكورية ومناطق أخرى.

والملاحظ هو أن المفوض السامي لحقوق الإنسان، فولكر تورك، لم يتطرق لنزاع الصحراء فهاد التحديث وما هدرش عليه ولا بكلمة ولا على شنو واقع فالمنطقة، وهاد يعد هدم لأطروحة الجزائر وجبهة البوليساريو القائمة على الترويج للحرب فالمنطقة، وكذلك وأد لمساعيها الحثيثة لنشر خطابات العنف والكراهية.

ويعد هاد الإجراء ديال المفوض السامي لحقوق الإنسان تجسيد لحقيقة الأمن والاشستقرار اللي كيقودو المغرب فالمنطقة وتأكيد جديد على مصداقية المملكة ومقاربتها المبنية على التنمية فالصحرا.

موضوعات أخرى