وكالات//

فضيحة كبيرة خرجات للعلن، والبطل ديالها هو المغني الفرانساوي المشهور سليمان، ولي متهم بالتحرش الجنسي بواحد السيد.

هادشي وقع في عام 2023، على حساب ماقال المشتكي، وهو تقني في شركة للإنتاج، ولي قال ان المغني دفعو للحيط وطلب منو يمارس معاه الجنس.

وأكد المشتكي ان هادشي كان في قاعة “زينيث” في مدينة سانت إتيان الفرنسية بعدما سالا المغني حفلة ديالو تما.

وقال المشتكي ان المغني من بعد سيفط ليه رسائل جنسية وتحرش بيه جنسيا، وأكدات المحامية ديالو ان المشتكي قرر انه يرفع دعوى قضائية في هاد القضية.

وتشهر سلمان ف عام 2016 من بعدما ربح دافويس د فرنسا، وولا واحد من نجوم الغناء فالبلاد.