وكالات//

علن المغني البريطاني العالمي إلطون جون أنه تصاب بعدوى في العين ديالو خلاتو يشوف غير شوية، ولكن طمأن الجمهور ديالو على أن الحالة ديالو في تحسن.

ودار المغني المشهور واحد البوسط على الكونط ديالو في إنستغرام قال فيه أنه من بداية الصيف حس بشي حاجة ماشي هي هاديك في عينيه وهو شي لي خلاه يشوف غير بعين وحدة.

وفين شافو الطبيب لقى أنه جاتو شي عدوى في العين ديالو، وكان ضروري أنه يخضع للعلاج.

المغني لي عندو دابا 77 عام ف عمرو طمن الجمهور ديالو وقال أنه غادي يولي بخير.