وكالات//

ردات المغنية الميريكانية، لي عندها أصول برازيلية، جينيفر لوبيز بطريقتها الخاصة على الشائعات لي كانت كتقول أنها غادي تفارق مع راجلها، الممثل المشهور بين أفليك.

وبانت المغنية المشهورة وهي كتبين الخاتم ديال الزواج ديالها لي هداه ليها راجلها، وهي كتحاول تدير حزام السلامة ديال الطوموبيل ديالها، مللي كانت خارجة من دارها.

كتجي هاد التصويرة في الوقت لي كتقول فيه بزاف ديال التقارير أن لوبيز وبن أفليك غا يتفاقرو، واخر الدلائل أنهم دارو القصر ديالهم لي كاين فحي بيفرلي هيلز، بكاليفورنيا في البيع.

نفس التقارير كتقول أن السبب الرئيسي ديال المشاكل بيناتهم أن جنيفر لوبيز عزيز عليها الضو والشهرة والخرجات، وبن أفليك كايبغي يخلي حياتو الشخصية بعيدة على الأعين ديال الناس.