وكالات //

قررات المغنية الميريكانية تايلور سويفت أنها تتبرع بملايين الدولارات بسبب الإعصار القوي بزاف لي ضرب ولاية فلوريدا الميريكانية.

وعلى حساب ماقالت منظمة Feeding America الميريكانية غير الربحية، أن تايلور سويفت تبرعات للجمعية بمبلغ 5 ملايين دولار.

وقدمات الجمعية الشكر ديالها للمغنية الميريكانية وقالت إن هاد التبرع ديالها غادي يعاون عدد كبير من الناس فأنهم يلقاو فين يتخباو والما والماكلة، إلى حين يدوز إعصار ميلتون لي ضرب الولاية.

غير باش نذكرو، راه آخر تصنيف ديال مجلة فوريس الميريكانية، كشف أن المغنية سويفت ولات هي أغنى مغنية في ميريكان، بثروة وصلات لـ1.6 مليار دولار.