وكالات//

صدمات المغنية الميركانية المشهورة بريتني سبيرز، الملايين من ليفان ديالها في العالم كامل، بسبب “العرس ديال الزواج” ديالها.

ودارت المغنية الميريكانية تصاور على لي كونط ديالها في السوشيال ميديا، كتبينها لابسة لاروب ديال الزواج، وكتعلن على “الزواج” ديالها.

ولكن الصدمة لي كانت عند لي فان ديال هاد النجمة العالمية هي أن بريتني قالت إنها تزوجات من راسها، وماشي مع شي راجل آخر.

وكيجي هادشي ديالها بعد عام واحد فقط من الطلاق ديالها من راجلها السابق.

وقالت بريتني، لي عندها دابا 42 عام، في نفس البوسط: “غادي يجيكم هادشي غبي ولا صادم، ولكن هو أذكى حاجة درتها في حياتي كلها”.