وكالات//

خلعات بريتني سبيرز معجبيها من جديد بعدما خرجات فواحد المنشور على إنستغرام وقالت بلّي طاحت فواحد الحادث خايب بزاف.

النجمة شرحات بلّي طاحت من فوق الدروج فدار صاحبتها، ووصفت التجربة بأنها كانت مؤلمة بزاف، وقالت بلّي ركبتها ممكن تكون تصابات، ولكن ما أكدتش واش مكسورة ولا لا.

فواحد الفيديو، بانِت بريتني وهي كترقص حافية، لابسة فستان وردي وكفوف بلا صوابِع، وركبتها اليمنى كانت مغطّية بواحد البلاط (ضمادة) باين مزيان.

ورغم هادشي، شدّدت بريتني بلّي ما بغاتش الشفقة ولا تعاطف من الناس، وكتبات: “أنا ما كنطلبش القلق ولا الشفقة، غير بغيت نكون مرا مزيانة ونتحسّن.”

وزادت قالت: “شكراً ليك يا ربي”، فإشارة منها أنها كتلتجأ للتأمل الروحي والفن باش تواجه اللي كتعيشو.

لكن بزاف من لي فاين ديالها بانو خايفين، ماشي غير على الخطر ديال الطيحة، ولكن حتى على الكدمات اللي باينين فذراعيها، واللي كيبان ماشي غير من طيحة عادية.