وكالات//

علنات المغنية الميريكانية المشهورة بينك أنها لغات الحفلة لي كانت غادي تديرها في مدينة بيرن السويسرية لأسباب صحية.

على حساب ماقالت بزاف ديال التقارير الصحفية ف المغنية الميريكانية نصحوها الأطباء بأنها مخاصهاش تغني حينت عندها مشاكل صحية.

وكان من المقرر تدير هاد المغنية، لي عندها 44 عام ف عمرها، الحفلة ديالها نهار الأربعاء، ولكن تلغات في آخر لحظة.

ودارت المغنية واحد البوسط على الكونط ديالها في إنستغرام كتشرح فيه للجمهور ديالها الأسباب ديال هادشي لي وقع ليها، وكتقول أن الناس لي شراو لي تيكي غادي يرجعو ليهم فلوسهم.