وكالات//
تسببات الحفلات لي دارتها المغنية الميريكانية المشهورة تايلور سويفت فإصابات جماعية ديال بزاف الناس بفيروس كورونا في العاصمة الفرنسية باريس.
على حساب ماقالت الصحافة الفرانساوية، بزاف ديال الناس خرجو في السوشيال ميديا ودارو بوسطات كتأكد أنهم تصابو بكورونا مباشرة بعدما خرجو من الحفلة ديال تايلور سويفت.
وخلقات المغنية الميريكانية المشهورة بزاف، البوز في العاصمة الفرنساوية فين دارت الجولة الغنائية ديالها لي سميتها”Eras Tour” ، من 9 لـ12 من هاد الشهر.
وواخا النجاح الكبير لي دارتو فهاد الجولة، فهي مشات بحالها لميريكان ودات معاها الفلوس وخلات للفرانساويين كورونا.
