كود – وكالات//

المغنية وكاتبة الأغاني الأمريكية Stevie Nicks تبرعات بـ3 مليون دولار لكلية الطب التابعة لـUniversity of Southern California، باش تكرّم الطبيب اللي كان كيهتم بصوتها وكيعالجها من سنوات طويلة.

هاد التبرع غادي يعاون فإحداث كرسي أستاذية فمجال طب الأنف والأذن والحنجرة، وسميت هاد المبادرة على اسم الطبيبة والمغنية تكريماً للدكتورJoseph Sugarman، وهو طبيب مختص فلودنين والنيف والحنجرة فبيفرلي هيلز، وعالج ستيفي نيكس وعدد من الفنانين والمرضى شحال من عام .

وقالت نيكس، اللي عندها 78 عام: “فالسنوات الطويلة ديال الجولات الفنية والتسجيلات، كنت ديما كنعرف باللي نقدر نعتمد على الدكتور سوغرمان باش يحافظ ليا على صحة صوتي، وفرحانة بزاف حيث عندي الفرصة نكرّم الموهبة ديالو والخدمة المميزة اللي دارها طوال مسيرتو.”

الكرسي الجامعي الجديد سمي “كرسي ستيفي نيكس وجوزيف سوغرمان لطب الأنف والأذن والحنجرة”، وجا تقديراً لمسيرة سوغرمان اللي دامت 50 عام فالميدان الطبي.

و علنت الجامعة أن الدكتور Michael M. Johns، عادي يكون مدير مركز الصوت بالجامعة، واللي كيتعتبر واحد من اشهر المختصين عالمياً فالعناية بالأصوات الاحترافية، المركز ديالو  كيعالج الناس اللي عندهم مشاكل فالصوت أو التنفس أو البلع، وعندو عيادة خاصة بالفنانين فمنطقة لوس أنجلوس.