وكالات//

نوضات المغنية اللبنانية المشهورة إليسا الروينة في مواقع التواصل الاجتماعي بسبب واحد البوسط ديالها دارتو على “إكس” عندو علاقة بهادشي لي واقع في سوريا.

وبارطاجات إليسا التصويرة ديال واحد الراجل لبناني سميتو كلود حنا ليشيع الخوري، عاش 40 عام في الحباسات ديال بشار الأسد قبل مايخرج بعدما طاح النظام ديالو.

ونشرات إليسا التصويرة ديال هاد السيد وعلقات عليها بعبارة “ولد عمي” ودارت حداه قلب مجروح.

وقالت إليسا في مداخلة ليها على التلفزيون اللبناني إن هاد السيد كيجيها من العائلة ديالها وهو ولد عم الوالدة ديالها.

ونتقدات المغنية اللبنانية الرئيس اللبناني ميشيل عون لي سبق ليه وقال إنه مكين حتى شي لبناني في السجون ديال سوريا.