الرئيسية > الزين والحداكة > المغنية أسماء لمنور تبرعات لصندوق مكافحة كورونا وقالت: الوطن واقف علينا كاملين واخا تعطي غير ثمن القهوة لي كتمشي ليها
21/03/2020 23:00 الزين والحداكة

المغنية أسماء لمنور تبرعات لصندوق مكافحة كورونا وقالت: الوطن واقف علينا كاملين واخا تعطي غير ثمن القهوة لي كتمشي ليها

المغنية أسماء لمنور تبرعات لصندوق مكافحة كورونا وقالت: الوطن واقف علينا كاملين واخا تعطي غير ثمن القهوة لي كتمشي ليها

نجوى المالحي-كود//

بزاف ديال المشاهير والفنانين ساهمو في صندوق مواجهة كورونا لي دارو الملك محمد السادس، واللائحة انضمات ليها المغنية أسماء لمنور لي تبرعات بمبلغ ديال 10 المليون سنتيم.

لمنور لي من نهار دخلات كورونا للمغرب خصصات صفحاتها في مواقع التواصل الاجتماعي باش دير التوعية، حطات البارح الجمعة بوسط فانسكرام ديالها فيه الوثيقة باش تبرعات وكتبات التفاصيل ديال العملية وطلبات من الناس كاملين يتبرعو، كل واحد بداكشي لي قد عليه.

وقالت لمنور “الحمد لله أمس وفقني الله باش ندير تبرع للصندوق الخاص لمكافحة وباء كورونا . قالو ساهل ندير بالتطبيق ولكن ختكم على قد الحال في التكنولوجيا . عيطت على الوكالة البنكية وتجاوبوا معايا وتم تسجيل المعاملة بالهاتف بلاما نضطر نخرج من داري”.

View this post on Instagram

الحمد لله أمس وفقني الله باش ندير تبرع للصندوق الخاص لمكافحة وباء كورونا . قالو ساهل ندير بالتطبيق ولكن ختكم على قد الحال في التكنولوجيا . عيطت على الوكالة البنكية وتجاوبوا معايا وتم تسجيل المعاملة بالهاتف بلاما نضطر نخرج من داري . الناس لي دارو التبرع للصندوق نتمنى ينشروه بنفس الطريقة ما بقا ما يتخبى الوطن واقف علينا كاملين واخا تعطي غير ثمن القهوة لي كتمشي ليها ومتبقاش بلاش . هذا واجب و يشهد الله انّه خالص لوجهه الكريم وما نشرته لكم إلا دعوةً لكم للاستزادة في الخير . التحدي ديال كل واحد ينوميني ثلاثة لا يجب ان يقتصر على المشاهير خاص اي انستقرام ندخل ليه نلقاه داير نفس الشيء على قدر المستطاع ومكرهناش شوية اكثر من المستطاع وكما قال سيد المرسلين : ما نقصت صدقة من مال أو كما قال عليه الصلاة والسلام . ملاحظة : إرسال المال للصندوق لا يعني توقف برنامج كفالة الأسر واللي غادي يكون عن طرق أحد الجمعيات بإذن الله ♥️♥️♥️ #كان_الله_في_عون_العبد_مادام_العبد_في_عون_أخيه #بلادي_تستاهل #فلوس_القهوة_حطهم_فالصندوق #خليك_فالدار #نبقاو_فالدار_الخوت_حتى_كورونا_تفوت

A post shared by Insta.asma (@asmalmnawar) on

وأضافت “الناس لي دارو التبرع للصندوق نتمنى ينشروه بنفس الطريقة ما بقا ما يتخبى الوطن واقف علينا كاملين واخا تعطي غير ثمن القهوة لي كتمشي ليها ومتبقاش بلاش . هذا واجب و يشهد الله انّه خالص لوجهه الكريم وما نشرته لكم إلا دعوةً لكم للاستزادة في الخير”.

ودارت المغنية تحدي جديد، وطلبات من كل واحد ينوميني ثلاثة ديال الناس، ماشي ضروري يكونو مشاهير، وقالت ” خاص اي انستكَرام ندخل ليه نلقاه داير نفس الشيء على قدر المستطاع ومكرهناش شوية اكثر من المستطاع”.

ووضحات أسماء أن إرسال المال للصندوق مكيعنيش توقف برنامج كفالة الأسر واللي غادي يكون عن طرق أحد الجمعيات.

موضوعات أخرى

12/07/2020 17:30

كورنا فهاد 24 ساعة: 203 تصابو و218 تشافاو و5 ماتو..الطوطال: 15745 حالة منها 250 توفاو و12283 تعافاو واليوم الحصيلة ثقيلة بجهة طنجة