وكالات //

كشفات المغنية البريطانية المشهورة، أديل، على الخاتم الواعر ديالها، وصدمات بيه بزاف ديال الناس في العالم كامل، بعدما علنات رسميا على الخطوبة ديالها من وكيل اللاعبين ريتش بول.

فحفلة ليها دارتها في لاس فيغاس الميريكانية، تعمدات آديل أنها تهز الصبع ديالها بفخر كبير باش تبين خاتمها الواعر بزاف.

وفشهر غشت لي فات، علنات آديل، لي عندها 36 فالعمر ديالها، على الخطوبة ديالها من بول، بعد أكثر من 3 سنين ديال العلاقة.

ومن عام 2021 والناس كتشوف أديل مع بول، وسبق ليها قالت فبزاف ديال المرات أنها بغات تتزوح وتدير الولاد.