الرئيسية > ميديا وثقافة > المغرب يفقد احد كبار صحافييه. محمد لشهب رحل يوم افتتاح قنصلية امريكا في الداخلة وهو من اكثر الصحافيين دراية بهاد الملف
10/01/2021 12:00 ميديا وثقافة

المغرب يفقد احد كبار صحافييه. محمد لشهب رحل يوم افتتاح قنصلية امريكا في الداخلة وهو من اكثر الصحافيين دراية بهاد الملف

المغرب يفقد احد كبار صحافييه. محمد لشهب رحل يوم افتتاح قنصلية امريكا في الداخلة وهو من اكثر الصحافيين دراية بهاد الملف

هناء ابو علي كود كازا ///

الصحافي المغربي المعروف محمد الاشهب مات اليوم. هاد الشي اللي اكداتو مراتو الصحافية اقبال الهامي. شاءت الاقدار ان يكون يوم رحيلو هو يوم افتتاح قنصلية اميركا في الداخلة. بحال ايلى كان كيتسنى هاد الحدث ويرحل بعد معاناة مع جلطة دماغية هادي 4 سنين خلاتو يبقى فدارو بالرباط.

الاشهب من عينة كبار الصحافيين فهاد البلد. ما خداش حقو بزاف. قارئ جيد وكاتب عمود متمكن وعاشق مسكون بالاخبار وخبير في السياسة. كان من اشهر المتخصصين فملف الصحراء. دافع عنه ايام كان كثيرون يختبئون. مقنع في دفاعه. ما عزيزش عليه الغوات والصداع والهدرة الخاوية.

من خبر هاد الصحافي يعرف معدنه جيدا. كان مدير مكتب جريدة “الحياة” الدولية بالرباط ايام العز ديالها. نشر مقالاته في صحف ومجلات وتقدم مرافعات قوية عن الصحراء في اشهر البرامج الاذاعية والتلفزيونية بتواضع وبعمق.

تخسر الصحافة المغربية صحافيا كبيرا. شخصية لبقة مثقفة عاشقة للحياة. تخسره الدولة المغربية. رغم انه عاشر الكبار فهاد البلد ظل محافظا على مسافة بينه وبين هاد لكبار. ظل مدافعا عن الصحافة عن الصحافيين. قدم خدمات كبيرة لصحافيين كثر.

موضوعات أخرى