الرئيسية > آش واقع > المغرب ولى كليان صحيح للصناعة العسكرية التركية.. صفقة جديدة ديال لامارين روايال وها تفاصيلها
14/01/2022 08:00 آش واقع

المغرب ولى كليان صحيح للصناعة العسكرية التركية.. صفقة جديدة ديال لامارين روايال وها تفاصيلها

المغرب ولى كليان صحيح للصناعة العسكرية التركية.. صفقة جديدة ديال لامارين روايال وها تفاصيلها

كريم الصوفي – كود//
[email protected]

كشفات تقارير إعلامية، أن البحرية الملكية المغربية كستنى ف الربع الثاني من هاذ العام، تسلم عتاد عسكري من شركة أوراش كولجوك التركية، عبارة عن 7 ديال الزوارق الحربية وفرقاطة صغيرة عندها مهبط مخصص للدرونات وهيلوكوبترات ديال مهمات الاستطلاع والمراقبة.

وأضافت هاذ التقارير، أن لامارين روايال فتحات باب التفاوض مع الشركة التركية ف أكتوبر 2021 والقيمة الاجمالية دياله الصفقة كتقدر ب 222 مليون دولار.

بهاذ الصفقة الجديدة غادي يكون المغرب ولى كليان صحيح للصناعة العسكرية التركية. المغرب شرا من شركات تركية 13 درون بيرقدار ومنظومة “كورال” التركية للتشويش على رادارات العدو وأيضا كاينة مفاوضات لشراء 22 هيلوكوبتر حربية من طراز T129 ATAK وصواريخ موجهة بـ ليزر، إضافة إلى شراء 15 قاربا للدوريات البحرية السريعة وخفر السواحل من طراز ARES”ّ”.

https://atalayar.com/content/marruecos-compra-armamento-turqu%C3%ADa

https://www.larazon.es/internacional/20220112/mrsbi4onizgxdh2vlw3qhnadye.html

موضوعات أخرى

20/01/2022 22:28

“الريزو” ديال تحويل العملات الرقمية والاختطاف والاحتجاز.. الفرقة الوطنية لقات فلوس صحيحة عاود تجاوزات 10 ملايين درهم