گود سبور//

مرشح المغرب باش ينظم النسخة الثانية من كاس العالم للأندية اللي غادي تكون عام 2029، اي قبل بعام من مونديال 2030، اللي غادي ينظمو بشكل مشترك ثلاثي مع إسبانيا والبرتغال.

وكشفت جريدة The Guardian البريطانية، فالمغرب وإسبانيا من ابرز المرشحين لاستضافة كاس العالم للأندية 2029، وان هذا الشي كايبين طموح المغرب المتزايد والرغبة والاستمرار ديالو فتطوير المشاريع الكبيرة على الساحة الرياضية العالمية.

نفس المصدر وضح ان المغرب منافس بقوة مع اسبانيا فسباق استضافة كاس العالم للأندية، وان البلدين هما اللي حظوظهم كبيرة عند الفيفا، وان الاتحاد الدولي مرحب بفكرة تنظيم مونديال الاندية عند واحد فيهم حيث عندهم بنية تحتية قوية وكاين شغف بالكورة فالبلدين.