كود سبور//

سالا الشوط الأول من ماتش المنتخب الوطني المغربي والمنتخب الإسباني اللي بدا اليوم الثلاثاء مع 4 العشية فتيران المدينة التعليمية فثمن نهائي كأس العالم قطر 2022، بالتعادل السلبي.

وعرف الشوط الأول من الماتش سيطر واستحواذ كبيرة من المنتخب الإسباني، فالوقت اللي كان فيه المنتخب المغربي واقف وكيسد المساحات، أمام  الإسبان، من ناحية الفرص فكانت تقريبا متكافئة مع امتياز طفيف ديال المغرب مع نهاية الشوط الأول، حيث كانوا تقريبا 2 حتى 3 فرص لكل منتخب، وكانت كوفرة سددها أشرف حكيمي وتسديدة ثانية من نصير مزراوي من جانب المغرب ضربة رأسية من نايف أكرد بالراس مشات خارج المرمى الإسبانية و 2 من أسينسيو مهاجم إسبانيا وحدة منها تسلل وحدة مشات خارج المرمى المغربي مع العلم أن هاد 2 فرص ديال إسبانيا جات من بعد ارتباك ديال لكول المغربي والمدافعين المغاربة.

ورجعو اللعابا ديال المغرب وإسبانيا للفيستيير باش يخدو التعليمات من عند وليد الركراكي ولويس إنريكي فانتظار يبدا الشوط الثاني.