كود سبور//

مرشح المغرب باش يحتضن نهائي فيناليسيما 2025، بين بطل أوروبا الصبليون وبطل أمريكا الجنوبية الأرجنتين، حيث قطر اللي كانت غادي تنظم النهائي يوم 27 مارس الجاري كاتقصفها إيران فالحرب اللي ما بين الإيرانيين وميريكان وإسرائيل.

وكشفت جريدة “آس” الإسبانية، أن استضافة الرباط لفينال النسخة الثالثة من الفيناليسيما بين إسبانيا والأرجنتين ماشي بعيد، ووضحت أن تيران مولاي عبد الله هو الخيار اللي مزيان لتنظيم الماتش.

الجريدة الإسبانية، قالت أيضا أن التيران فيه مواصفات متطورة وعالمية وطاقة استعابية كبيرة كاتوصل حتى 70 ألف متفرج، وشكرات الطريقة اللي استاضف بها كأس إفريقيا، وهضرت أيضا على أنه غادي يكونو فيه ماتشات مونديال 2030.