كود الرباط//

كشف نزار بركة، وزير التجهيز والماء، اليوم الثلاثاء، بلي المغرب كيوجد دراسات باش يدار نفق صغير للي غادي يمكن من معرفة الاشكالات الباطنية ديال الربط بين المغرب واسبانيا.

وأوضح بركة، في لجنة الداخلية بمجلس المستشارين، أثناء مناقشة الميزانية الفرعية لوزارة التجهيز والماء، :”كنوجدو نديرو دراسة باش نديرو واحد نفق صغير باش يمكنا نديرو دراسات باطنية باش نشوفو الاشكاليات بالضبط لي مطروحة تحت الماء”.

وتابع بركة بالقول:”الهدف نوصلو لنفق لي غايوصل حتى لاسبانيا واختارينا الممر لي غايكون عندو أقل ضغط مع التحركات لي تتكون تحت الماء بالتالي عدد الكيلومترات غايكون أطول 30 أو 27 كيلومتر ولكن الهدف يكون استقرار فهاد النفق”.