الوالي الزاز -كود- العيون////

[email protected]

النشاط العسكري اللي غادي دير البحرية الملكية فجهات المملكة الجنوبية دارت لا ليرت فالصبليون، خاصة وأنها غادي تشمل جهتي العيون الساقية الحمراء والداخلة وادي الذهب اللي مقابلة مع جزر الكناري، وطيلة المدة ديال ثلاثة أشهر من 29 مارس حتى 28 يونيو الجاي.

هاد النشاطات العسكرية التدريبية ديال البحرية اللي تبعد عن سواحل جزر الكناري 125 كيلومتر قلبات الصبليون كلها وخلات الإعلام يتداولها بشكل كبير، وحطات حكومة جزر الكناري اللي يرأسها فرناندو كلافيخو فموقف محرج.

وفهاد الصدد، رئيس حكومة جزر الكناري، فرناندو كلافيخو دار محادثة هاتفية مع وزير الشؤون الخارجية الصبليونية، خوسيه مانويل ألباريس، وهدرو على هاد المناورات المغربية، بحيث وصفها رئيس جزر الكناري بأنها مثيرة للقلق.

وفسياق متصل، أعرب بإسم حكومة الكناري،  ألفونسو كابيلو بصراحة عن قلق الحكومة إزاء هذه المناورات التي ينظمها المغرب من جانب واحد في المياه القريبة جدا من جزر الكناري.

دابا المغرب كيمارس سيادتو على مياهو الإقليمية ولاسيما فالصحرا، وآش دخل الصبليون فهاد المناورات، خصوصا وأن كاينة محاولات لربط هاد المناورات بالإستنتاجات ديال المحامية العام ديال محكمة العدل الأوروبية بخصوص الإتفاقيات التجارية بين المغرب والإتحاد الأوروبي، ومحاولة تصريف هاد المناورات على أنها ردة فعل.

ومن جانب آخر، هاد الحملة اللي كيحاول الإعلام الإسباني يقودها نسى فيها هاد الإعلام ان اكثر منضرر منها هوما الصيادين الإسبان، وأن حكومة بلادو فيما يخص الشق السياسي تدعم مبادرة الحكم الذاتي كأساس وحيد لتسوية ملف الصحراء.

ويذكر ان المندوبيات الجهوية ديال الصيد البحري كانت علنات على هاد النشاط العسكري عكسداكشي اللي ميروج ليه الإعلام الإسباني على أنها سرية، واكدات فيها ان الصيادين خاصهوم يبعدو جوج أميال على هاد النقاط:

أكادير: Cercle de rayon (02) nautiques, centré sur le point: L=30°15’46″N G=009° 40′ 39″W

سيدي إفني: Cercle de rayon (02) nautiques, centré sur le point: L=29°22’45,02″N G=010°13′ 51,60″W

العيون: Cercle de rayon (02) nautiques, centré sur le point: L=27°18’14″N G=013° 22′ 06″W

الداخلة: Cercle de rayon (02) nautiques, centré sur le point: L=23°4137″N G=015° 53′ 12″W