الرئيسية > آش واقع > المغرب كيفكر يزيد جرعة ثالثة من فاكسان كورونا
21/07/2021 12:30 آش واقع

المغرب كيفكر يزيد جرعة ثالثة من فاكسان كورونا

المغرب كيفكر يزيد جرعة ثالثة من فاكسان كورونا

عفراء علوي محمدي- كود//

اللجنة العلمية للتلقيح ضد فيروس كورونا في المغرب كتتدارس إمكانية إضافة جرعة ثالثة للناس اللي عندهم عوامل اختطار، بحال اللي عندهم أمراض مزمنة، أو الناس الكبار، أو غيرهم.

واللجنة مازال دايرة البحث ديالها فالقضية، ولحد الساعة مازال ماحددات عدد الناس اللي ممكن ياخدو هذ الجرعة الثالثة، لكن غدير تدير تقدير، وغتعلن من بعد وزارة الصحة على ليست الاشخاص المستهدفين، اللي هوما فالغالب اللي كيعانيو من أمراض مزمنة كتضعف المناعة، وشنو الترتيبات اللي خاصهم يديرو باش يستفدو من هذ الجرعة الإضافية.

وشي بلدان ديجا تبناو هذ القضية، منهم فرانسا اللي ولات كتعطي الجرعة الثالثة ديال اللقاح، ولكن غير للناس اللي عندهم نقص كبير فالمناعة، وحتى فإسرائيل كتعطى الجرعة الثالثة للناس اللي عندهم السرطان.

موضوعات أخرى

28/07/2021 04:00

مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة

28/07/2021 02:00

الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو