الرئيسية > آراء > المغرب كيطيح فيه الثلج في عدة مناطق ومع ذلك المغاربة كل عام كيمشيو لإفران يتجمعو تم يقطعو الطريق يديرو الكسايد يتزاحمو على المطاعم القليلة لي كاينة تم، يقاضيو الخبز ولما والحليب، وفي اللخر عوض تكون زيارة من أجل المتعة كتحول لتجربة بئيسة كتدوز أغلبها غير في التقلاب على الكرى
29/01/2023 17:00 آراء

المغرب كيطيح فيه الثلج في عدة مناطق ومع ذلك المغاربة كل عام كيمشيو لإفران يتجمعو تم يقطعو الطريق يديرو الكسايد يتزاحمو على المطاعم القليلة لي كاينة تم، يقاضيو الخبز ولما والحليب، وفي اللخر عوض تكون زيارة من أجل المتعة كتحول لتجربة بئيسة كتدوز أغلبها غير في التقلاب على الكرى

المغرب كيطيح فيه الثلج في عدة مناطق ومع ذلك المغاربة كل عام كيمشيو لإفران يتجمعو تم يقطعو الطريق يديرو الكسايد يتزاحمو على المطاعم القليلة لي كاينة تم، يقاضيو الخبز ولما والحليب، وفي اللخر عوض تكون زيارة من أجل المتعة كتحول لتجربة بئيسة كتدوز أغلبها غير في التقلاب على الكرى

محمد سقراط-كود///

المغرب كيطيح فيه الثلج في عدة مناطق من سوس حتى للشمال حتى فيكيك طاح فيها الثلج، ومع ذلك المغاربة كل عام كيمشيو لإفران يتجمعو تم يقطعو الطريق يديرو الكسايد يتزاحمو على المطاعم القليلة لي كاينة تم، يقاضيو الخبز ولما والحليب، وفي اللخر عوض تكون زيارة من أجل المتعة كتحول لتجربة بئيسة كتدوز أغلبها غير في التقلاب على الكرى أو حاصل في الزحام ديال الطوموبيلات، أو تقلب على فين تاكل، بينما مناطق كثيرة وزوينة بزاف كيطيح فيها الثلج بالأطنان ومع ذلك المغاربة معندهمش معاها، كذلك الأمر حتى في الصيف في بلاد عندها واجهة بحرية ديال 3500 كلم طبعا ماشي كلها صالحة للسباحة ولكن راه فيها بزاف ديال البلايص من غير مارتيل لي كيتزاحم فيه كولشي حتى كتوصل الخبزة ديال درهم لعشرة دراهم ولكرى ديال برطمة إقتصادية لثمن اوطيل سانك ايطوال في بلدان سياحية كبيرة.

السياحة الثلجية فيها الصرف في العالم إلا في المغرب أول حاجة غادي تلاحظها في الناس لي طالعين يشوفو الثلج هو الحوايج لي لابسين ، بنادم غادي للثلج بسبرديلة وسروال جين أو كيطمة سخونة متعرفو واش غادي يلعب في الثلج ولا يلقط الروماتيزم، حتى دخل ديكاتلون للمغرب عاد بدا بنادم شوية يلبس الحوايج لي صالحين للطبيعة أما الأغلبية لحد الآن راه كيطلعو باش مكان يضربهم البرد ويجيو، وفي الغالب فاش كيوصلو لهاد المدينة لي فيها الثلج كيبداو يقلبو على فين يتخباو منو شي قهوة يكلسو فيها أو مطعم ياكلو فيه ، مكاين بو أنشطة وألعاب ثلجية داكشي فقط طلق البراهش يلعبو واجي نتخباو.

بالنسبة ليا أجمل منطقة فيها الثلج في المغرب هي بويبلان خاصها فقط الطريق والتجهيزات وتولي من أجمل المنتجعات السياحية لعدة أسباب منها الكميات ديال الثلج لي كتطيح تم، بالإظافة لجمال المنطقة والمنتزهات لي حداها بحال منتزه تازكا وغابة الأرز الملكي ومضايق سماعين وبزاف ديال القنات ا لي فيهم مايتشاف ويتزار، وفرنسا ماشي غير جاو وبناو أول منتجع للألعاب الثلجية في المغرب داروه تما، خاصو غير الطريق وماشي شي حاجة لي خارقة عندو بلايص كثار منين دوز ليه الواحد وكتبقى أجمل المناطق في المغرب كذلك نواحي مراكش كاين ويرغان من ورا أيمليل السد لتحت والثلج الفوق ومناظر طبيعية خيالية وهادشي خاصو إرادة حقيقية باش يخلق التنوع في المغرب ومايبقاش بنادم غير تطيح قطرة ديال الثلج يجري لإيفران.

موضوعات أخرى

25/03/2023 22:05

المغرب كيعطي الدروس فإحترام الشعوب.. كرم الأسطورة بيلي فماتش المنتخب المغربي والبرازيلي من قلب طنجة

25/03/2023 21:39

بروتوكول تأمين ماتش الاسود ضد السيليساو.. ولاية أمن طنجة خصصات 5700 عنصر من مختلف التشكيلات الأمنية

25/03/2023 21:00

بعدا نتي كمغربية ماعندك حتى سبب يخليك تتوحشي يّامات زمان! احسن وقت كاتعيشي فيها هي الوقت الحالي! حمدي عليه الله! عندك الحق تقراي وتخدمي وتشدي مناصب كبيرة! طلّقي الراجل الى ماعجبكش! آش بغيتي بشي حايك؟! لي توحشات الحايك ترجع لزمن القهرة والگمل والحگرة فاش كانت المرا كاتاكل الطرش وساكتة!

25/03/2023 20:53

واقف على شغلو.. الحموشي رحب باللاعبين د المنتخب فتيران طنجة وجاب دورة على الملعب باش يسلم على الجمهور

25/03/2023 20:00

على مايبدو أن هاد الدعاة والمتشدقين بالدين لا ينتمون للمغرب بل للأمة الإسلامية ويحنون للخلافة حيت لا تعليق لهم على البوليسي مات في عمل إرهابي كلهم ضربو الطم دماغهم غير مع مسلمي بورما وكشمير وبلوشستان والبوسنة والهرسك والإيغور وفلسطين

25/03/2023 19:43

الاجواء فتيران طنجة.. المشجعين آذن عليهم المغرب وبداو يفطرو وناشطين ومعولين على الرباح ضد البرازيل – تصاور وفيديو