الرئيسية > featured > المغرب كيحكمو دستور صوت عليه الشعب والناس اللي واقفين ضد هاد التعديل فالمدونة جوج أنواع: التيار السلفي اللي كايكفر الملكية حيت كايحكم بالقانون الوضعي.. والذكوريين المتعفنين اللي هما ضد أي حاجة تقدر تحسن من وضعية المرأة فهاد البلاد
01/04/2024 20:00 featured

المغرب كيحكمو دستور صوت عليه الشعب والناس اللي واقفين ضد هاد التعديل فالمدونة جوج أنواع: التيار السلفي اللي كايكفر الملكية حيت كايحكم بالقانون الوضعي.. والذكوريين المتعفنين اللي هما ضد أي حاجة تقدر تحسن من وضعية المرأة فهاد البلاد

المغرب كيحكمو دستور صوت عليه الشعب والناس اللي واقفين ضد هاد التعديل فالمدونة جوج أنواع: التيار السلفي اللي كايكفر الملكية حيت كايحكم بالقانون الوضعي.. والذكوريين المتعفنين اللي هما ضد أي حاجة تقدر تحسن من وضعية المرأة فهاد البلاد

كود اللورد يتمجد///

كانتفهّم باللي اللحايا ماباغيينش يتفاكو مع ثقافة شبه الجزيرة العربية ديال هادي ألف وأربعمائة سنة، حاصلين فالقرن السادس الميلادي وباغيين يأطروا حياتهم بداك القوانين ديال داك الوقت وداك الستيل ديال المسواك والمسك وداكشي.. وهاذي حريتهم الله يسهل عليهم.

علاش هما ماباغيينش يفهموا أن الشعب المغربي شعب حر باغي يعيش بالطريقة اللي باغي، ياك المغاربة صوتوا ب نعم للدستور بالأغلبية الساحقة والمكتوب فيه بشكل عريض أن الدستور يحمي منضومتي حقوق الإنسان والقانون الدولي وأن التشريعات طالعة على هاد الركائز ، وركز على قيم العدل والمساواة والنهوض بالمرأة والطفل، وفنفس الوقت ذكر بشكل واضح أن الدولة غاتضمن لكل شخص ممارسة شؤونه الدينية باعتبار الاسلام الدين الرسمي للدولة.

علاش بغيتوا تصوروا للمغاربة أن تعديل المدونة بما لا يتوافق مع الدين هو تضييع للدين جملة وتفصيلا؟ ياك الدولة المغربية ما مطبقاش الشريعة من بكري، ولكن راها ضامنة للمواطن المغربي كل الممارسات الدينية ديالوا، كاتبني الجوامع وتخلص الأئمة والخطباء، وعندك لجان كبيرة كاتسهر على مراقبة الهلال فرمضان بأحدث الوسائل ودايرالك مجلس علمي على ݣدوا كايفتي للناس فالمسائل الفقهية ودايرالك

محطة تلفزية دينية وهادشي كلوا مقيوم بميزانية قد السخط. فين هو تضييع الدين هنا؟

باش نحطوا الشعب المغربي فالصورة، الناس اللي واقفين ضد هاد التعديل فالمدونة جوج أنواع لا ثالث لها:

النوع الأول: التيار السلفي اللي كايكفر الملك حيت كايحكم بالقانون الوضعي، وهذا مشكلتوا ماشي غير مع المدونة، هذا كايكفر الملك من بكري حيت هو كايشوف الشريعة خاصها تطبق بحذافيرها، بما فيها الحدود وأحكام الجهاد..، وهاد النوع خطر على الدولة بصفة عامة، لأن الولاء ديالهم ماشي للوطن، وإنما للخلافة اللي كايحلموا بيها وغايديروا أي حاجة باش يوصلوا ليها، وفالغالب كاتلقاهم موالين لتنظيم داعش أو القاعدة إما سرا وإما علنا. وهاذوا باختصار إرهابيين مكانهم السجون وإعادة التأهيل. وللاسف الدعاة والمشايخ اللي كايدعيوا لهاد الطريق راهم معروفين ومشهورين، والتلاميذ ديالهم أيضا راهم معروفين كذالك، وشفتوهم كفاش خرجولها نيشان بالتهديد بالحروب وقطع الرقاب.. والادهى والامر، أنهم أحرار طلقاء كاينضروا لهاد الفكر، وكايبيّعوا الشباب المغربي العجل، ولا يخفى عليكم شحال ديال المغاربة مشاوا للقاعدة وداعش بسباب هاذ الأوغاد.

النوع الثاني: الذكوريين المتعفنين اللي هما ضد أي حاجة تقدر تحسن من وضعية المرأة فهاد البلاد، ما باغينها لا تقرا لا تخدم لا تكون حرة فتقرير مصيرها، بغاوها تبقى تحت السباط، باش يصوكوها على الطريقة اللي بغاوا، وهاذ النوع صراحة دون المستوى وفاشل، وماعندوش حظ مع النساء خصوصا يلا خرجوا من تحت الوصاية ديال الذكور، وتجدر الإشارة أن هاذ الذكوريين ماشي بالضرورة كايكونوا لحايا بحال النوع الأول، بينما اللحايا بالضرورة كايكونوا ذكورين..

باش نختاصروا:
-حنا كمغاربة كلنا ثقة فالجهة المسؤولة عن تعديل مدونة الأسرة، وكلنا ثقة أن اللجنة غاتخرج بأحسن الحلول للنهوض بالمرأة باعتبارها المكون الأساسي للأسرة المغربية.
-حنا كمغاربة، نعلن أن اللحايا والذكوريين، ما كايمتلوش المغاربة كاملين وإنما كايمثلوا راسهم فقط، والصراخ ديالهم مايمكنش يشكل بأي حال من الأحوال الصوت الرسمي للشعب.
-حنا كمغاربة، وباعتبارنا سواسية أمام القانون سوا باللحية سوا مكرطين، نطالب المؤسسات الأمنية بردع كل من هدد بالقول أو الفعل الأمن ديالنا كمواطنين وتوعدنا بالحروب وقطع الرقاب بعد أن كنا آمنين مطمئنين.
-حنا المغاربة شعب منفتح ومسالم وكايرحب بكل ما فيه صلاح للأسرة المغربية، ونرفض رفضا تاما كل أشكال التطرف والإرهاب.
-حنا كمغاربة، غانديروا بحال السعودية مهبط الوحي وبلاصت الدين والكعبة، غانديروا كما قال الأمير فيصل: “إن عجلة التقدم والانفتاح لا رجعة عنها، وأن رجال الدين الذين ينفثون فتاويهم بين فترة واخرى يعبرون عن
احباطهم، و لا قدرة لهم لإعادة عقارب الساعة للوراء.. وسنعمل على التحلل من قيود الماضي والتحرك
باتجاه انشاء مجتمع ليبرالي.

موضوعات أخرى

25/04/2024 11:50

أزرو.. هجوم على صبيطار وتجهيزات دكدكات وأطر طبية وإدارية تعرضات للسب والتهديد بالسلاح

25/04/2024 11:30

استثمار مجموعات سياحية عالمية ف مشاريع الأوطيلات بالمغرب مطير النعاس من المهنيين ديال السياحة فجزر الكناري

25/04/2024 11:20

لونكيط خدامة مع رئيس جماعة بنسليمان.. الفرقة الوطنية سمعات ليه جوج مرات ف 3 أيام وخدات وثائق من الجماعة

25/04/2024 10:30

ولد الغزواني علن ترشحو للإنتخابات الرئاسية فموريتانيا وباغي يواصل تكريس مبادئ حسن الجوار والاحترام المتبادل

25/04/2024 10:10

وزير الفلاحة الإسباني من مكناس: تداعيات التغيرات المناخية تؤثر على إنتاج الأغذية وعلى الصحة البشرية