كود – كازا //

بين تقرير “الثروة 2026” اللي دارتو شركة نايت فرانك العالمية، أن المغرب كيبقى من بين أغنى الدول فإفريقيا من ناحية عدد الناس اللي عندهم ثروة كبيرة، حيث كاين 432 واحد وسط البلاد كتوصل ثروة كل واحد فيهم لكثر من 30 مليون دولار.

وحسب التقرير، المغرب جا فالمركز الثالث فإفريقيا، من بعد جنوب إفريقيا ومصر، فعدد مالين العاقة الصحيحة، التقرير كيحسب غير قيمة الاستثمارات والأصول المالية والعقارية، وما كيدخلش فيها السكن الرئيسي ديال الشخص.

وزاد التقرير أن المغرب مرشح باش يزيد فعدد هاد المرفحين حتى لعام 2031، الشي اللي كيبين أن المملكة ولات من مراكز الثروة والاستثمار فالقارة الإفريقية.