گود سبور//

كان المغرب فال زوين على المنتخب المصري، وقدر منو يتأهل لكأس العالم 2026، وهي رابع مرة كايتكاليفاو للمونديال.

المنتخب المصري لعب مع منتخب جيبوتي اليوم الاربعاء فتيران العربي الزاولي فـ الدار البيضاء، الجولة قبل الأخيرة من إقصائيات مونديال 2026، وقدر محمد صلاح والفراعنة يربحو بنتيجة 3 لزيرو.

الرباح ديال المنتخب المصري على جيبوتي، خلى الفراعنة يتأهلو قبل الجولة الأخيرة، ومتصدرين الگروب الأول برصيد 23 نقطة، مع العلم ان جيبوتي هما اللي بغاو يدخلو الماتش فـ المغرب.