الرئيسية > آش واقع > المغرب فالمرتبة 44 عالميا فالجوع والثاني مغاربيا
16/10/2020 07:00 آش واقع

المغرب فالمرتبة 44 عالميا فالجوع والثاني مغاربيا

المغرب فالمرتبة 44 عالميا فالجوع والثاني مغاربيا

عفراء علوي محمدي- كود//

جا المغرب فالمرتبة 44 فمؤشر الجوع العالمي، وفالمرتبة 2 مغاربيا بعد تونس و5 فالشرق الأوسط بعد الكويت وتونس والسعودية والأردن ولبنان، حسب تقرير المعهد الدولي للدراسات في مجال السياسة الغذائية.

وحسب التقرير نفسو، فالمغرب من بين الدول اللي ماعندهمش الجوع بزاف، بمؤشر 8.9، اللي انخفض بالمقارنة مع السنة اللي فاتت اللي كان 9.4، وكان المغرب عندها فالرتبة 42. 

وهذ المؤثر اعتمد فهذ الاحصاءات مجموعة من المعايير، اهمها النسبة المئوية للسكان اللي عندهم نقص التغذية، ونسبة الأطفال قل من خمس سنين اللي عندهم الهزال الهزال، إضافة إلى اللي كيعانيو من التقزم؛ علاوة على معدل وفيات الأطفال دون سن الخامسة.

وسوء التغذية فالمغرب وصل ل4.3 بالمائة، ونسبة الاطفال اللي ميعانيو من الهزال 2.6 فالمية، واللي كيعانيو التقزم 15.1 فالمية، ومعدل وفيات الأطفال قل من 5 سنيت وصل ل2.2 فالمية.

وكانت الأمم المتحدة رفعات شعار “لا جوع حتى 2030” هذي 5 سنين، إلا أن فيروس كورونا المستجد زاد نلا دول كثيرة تزيد تموت بجوع، والدول المتقدمة يرتفع فيها مؤشر الجوع كثر.

موضوعات أخرى

21/10/2020 18:20

خبار زوينة فالطريق لتريتورا بعدما دكدكاتهم كورونا.. رئيس الحكومة تلاقى رحال وغادي تعقد اجتماعات قريبا مع الحكومة لإنقاذ القطاع

21/10/2020 18:00

سكوب بالوثيقة. زيد الشحمة فظهر المعلوف..الوزيرة بوشارب عطات 500 مليون لمكتب دراسات باش يقاد هيكلة الوزارة فزمن كورونا

21/10/2020 17:30

حصيلة كورونا اليوم: 3577 مغربي ومغربية تصابو و52 ماتو و2796 تشافاو.. الطوطال: 182580 إصابة و3079 وفاة و151634 متعافي.. و27867 كيتعالجو منهم 625 حالتهم خطيرة