كريم الشركي – كود //

قالت الحكومة الإسبانية أن المغرب عندو الحق يدير أي قرار فبلادو، حقاش هو يتمتع بالسيادة، فيما يتعلق استخدام طائرات الدرون الحربية، حدا كل من سبتة ومليلية حيت باغي يحمي حدوده.

هاد التصريح جا كرد على سؤال كتابي دارو “كارليس موليت”، عضو مجلس الشيوخ عن حزب “الكومبروميس” اليساري في إسبانيا، قال فيه بأن السلطات المغربية دارت “محطات لطائرات حربية بدون طيار لمراقبة حدود بلادها مع سبتة ومليلية”.

صحيفة “إلفارو دي مليلية”، قالت البارح الثلاثاء، أن حكومة سانشيز كتشوف بللي المغرب من حقو يراقب حدودو بالطريقة اللي بغاها، ردا على السؤال اللي الهدف ديالو ينوض الروينة بين البلدين على قرار داخلي وسيادي للمغرب، فالوقت اللي غير مؤكد أصلا واش المغرب فعلا دار هاد المحطات الخاصة بدرونات حربية فمدينة العروي بإقليم الناظور وأخرى فتطوان، كيف قال البرلماني الإسباني المذكور.