كود سبور//

غادي يلعب المنتخب الوطني المغربي فربع نهائي كاس العالم قطر 2022 السبت الجاي، من بعدما حسم كريستيانو رونالدو وصاحبو التأهل ملي ربحو سويسرا فثمن نهائي البطولة.

وسالا الماتش ما بين البرتغال بنتيجة 6 لواحد، مع العالم أن كريستيانو رونالدو ما دخل حتى الدقيقة 74 وما سجلش، وماركا أهداف البرتغال كل من جونكالو راموس اللي سجل 3 أهداف، ولافيران بيبي هدف، ورافاييل جاريرو هدف، ورافاييل ليياو هدف أما هدف سويسرا ماركاه مانويل أكانجي.

وبهاد الرباح غادي يلعب منتخب البرتغال فربع نهائي كأس العالم قطر 2022، ضد المنتخب الوطني المغربي، مع العلم أن البرتغال هادي هي المرة الثالثة اللي كيوصل فتاريخو لربع النهائي وباغي يكرر إنجاز 2006، ملي وصل لنصف النهائي أما المنتخب المغربي اللي تأهل على حساب إسبانيا بطلة العالم عام 2010، فغادي يلعب ربع النهائي لأول مرة فتاريخو ومعول يزيد إنجاز آخر فالماتش الجاي ضد رونالدو وصحابو ويزيد يكتب التاريخ.