كود ـ سبور //

غادي يشارك المنتخب المغربي ديال الجمباز الإيقاعي فبطولة إفريقيا، اللي غادي تتنظم فجنوب إفريقيا ما بين 30 أبريل و2 ماي، فموعد قاري اللي متوقع يعرف منافسة قوية بين أبرز المدارس الإفريقية فهاد التخصص.

هاد المشاركة كتجي فإطار المجهودات ديال الجامعة الملكية المغربية للجمباز باش تعزز الحضور ديال المغرب قارياً مني غادي تعطا الفرصة للعناصر الوطنية باش يحتكو بأفضل المستويات الإفريقية باش طور الأداء التقني ديالها.

المنتخب المغربي كيراهن فهاد البطولة على تحقيق نتائج مزيانة، اللي تبين التطور اللي وصل ليه هاد النوع الرياضي فالمغرب، خصوصاً مع المجهودات اللي كتدار باش يتوسّع عدد الممارسين ويتشجّعو الشباب يدخلوا لرياضة الجمباز الإيقاعي.

وحتى هاد المنافسات كتشكل محطة مهمة باش يكتاسبو اللاعبين تجربة أكثر ويقوّيو الجاهزية ديالهم، باش يستعدو للاستحقاقات القارية والدولية الجاية، حيث المغرب بغا يثبّت بلاصتو بين المنتخبات الإفريقية المنافسة فهاد المجال.

وفنفس الوقت، بطولة إفريقيا للجمباز الإيقاعي كتعتبر فرصة لتبادل التجارب بين الدول المشاركة، فجو تنافسي اللي كيساهم فرفع المستوى ديال هاد الرياضة فالقارة.