عن  رويترز//

أعلن تحالف استثماري كتقودو الشركة السويسرية-اليابانية “كانديفيا إينوفا” (Kanadevia Inova) بلي كيتوقع يبدا فبني محطة لتوليد الطاقة من الزبل (النفايات) بـ 1.5 مليار دولار فكازا قبل ما تسالى هاد العام، وكيعولو تبدأ الخدمة فيها بشكل كامل منتصف 2030.

هاد المنشأة اللي غتكون فكبرى مدن المغرب غتكون هي الثانية من نوعها فإفريقيا، وكتستهدف تخرج الضو وفي نفس الوقت تنقص من انبعاثات غاز الميثان والأضرار البيئية الأخرى اللي جاية من زبل “مديونة”، اللي هو أكبر مطرح د الزبل فالبلاد.

شركة تدبير النفايات “كانديفيا إينوفا” والشركاء ديالها سناو عقد امتياز عطاتوا ليهوم جماعة الدار البيضاء نهار الإثنين.

وهاد التحالف كيج كيجمع فيه شركة الطاقة المغربية “ناريفا” (Nareva) وشركة “إيتوتشو” (Itochu) اليابانية.

وقالت “كانديفيا إينوفا” بلي غير تبدأ المحطة الخدمة، غتولي تعالج تقريباً 1.5 مليون طن د الزبل كُل عام، وغتنتج حوالي 115 ميغاوات د الضو من خلطة فيها الزبل، والطاقة الشمسية، وغاز المطرح، وهادشي كافي باش يزود تقريباً مليون واحد بالضو.

فالمقابل، المعارضين د هاد المحطات — ومنهوم علماء د البيئة، ونشطاء المناخ، وجمعيات المجتمع المدني المحلي — كيقولو بلي هاد المشاريع كتقضي على المبادرات د إعادة التدوير (Recyclage) وكتخرج دُخان وذرات دقيقة وغازات الاحتباس الحراري، حيت أغلبها كيعتمد على الحريق (Incineration).

وفحوار مع وكالة “رويترز”، قال برونو-فريدريك بودوان، المدير التنفيذي د شركة “كانديفيا إينوفا”، بلي البني فكازا غادي يبدأ غير يكمل التمويل كاملو (سواء الكريدي أو مساهمات الشركاء) فالاخر ديال هاد العام.