كود سبور//

تعرف المنتخب الوطني المغربي على الخصوم ديالو فـ كاس العالم 2026، اللي غاتكون الصيف الجاي بتنظيم مشترك بين ميريكان كندا والمكسيك.

وطيحت قرعة كاس العالم 2026، اللي تسحبت قبل لحظات بالعاصمة الميريكانية واشنط، المنتخب الوطني المغربي اللي فـ التصنيف الثاني، فـ الگروب C او 3، مع منتخب البرازيل وأسكتلندا، وهايتي.

الماتش الاول ديال المنتخب المغربي غايكون ضد البرازيل، والماتش الثاني ضد منتخب هايتي، والماتش الثالث ضد منتخب أسكتلندا.

للإشارة فهادي هي اول نسخة من كاس العالم، اللي غادي تعرف مشاركة 48 منتخب، بعدما كان 32 منتخب اللي كايشاركو إلى حدود نسخة مونديال “قطر2025”.