الرئيسية > كود سبور > المغرب ضرب الأرجنتين ودار إنجاز تاريخي فكأس العالم لذوي الاحتياجات الخاصة
05/10/2022 11:00 كود سبور

المغرب ضرب الأرجنتين ودار إنجاز تاريخي فكأس العالم لذوي الاحتياجات الخاصة

المغرب ضرب الأرجنتين ودار إنجاز تاريخي فكأس العالم لذوي الاحتياجات الخاصة

كود سبور//

كيواصل المنتخب الوطني المغربي لمبتوري الأطراف التألق ديالو فكأس العالم المقامة بتركيا وتمكن من تحقيق إنجاز جديد صباح اليوم الأربعاء، وتأهل لدور ربع النهائي لأول مرة فالتاريخ ديالو.

وجاء التأهل ديال المنتخب المغربي اللي كيدربو الإطار الوطني فؤاد عسو، من بعدما ربح منتخب الأرجنتين فالماتش اللي سالا بين الطرفين قبل لحظات، فثمن النهائي بنتيجة 4 أهداف مقابل صفر.

وتمكن المنتخب المغربي من الخروج متفوق فالشوط الأول بهدف واحد لصفر عن طريق محسن شغاغ، وفالشوط الثاني، تمكنوا الأسود من إضافة 3 أهداف أخرى بواسطة كل من إلياس السبيع اللي ماركا البيت الثاني والرابع ومحسن شغاغ اللي رجع ماركا البيت الثالث، وسالا الماتش بنتيجة 4 لصفر.

ومن بعد هذا الفوز كيكون المنتخب الوطني المغربي ضمن مقعد فدور ربع نهائي كأس العالم للمبتورين المقامة بإسطنبول، فانتظار يتعرف على الخصم ديالو من الرابح فماتش تركيا مستضيفة البطولة والمكسيك.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع