كود سبور//

سالا المغرب اليوم الاحد المشاركة ديالو فبارالمبياد باريس2024، بحصيلة مزيانة من الميداليات، اللي تنوعت بين الذهب والفضة والبرونز.

وقدر المغرب يربح 15 ميدالية فبارالمبياد باريس2024، ختمها اليوم الثلاثي فاطمة الزهراء الإدريسي بذهبية الماراثون عيالات فئة T12، ومريم النوحي ربحت فضية نفس السباق، وأمين الشنتوف ربح برونزية الماراثون رجال فئةT12.

وبهذه النتائج ختم المغرب المشاركة ديالو فبارالمبياد باريس2024، بتحقيق 15 ميدالية منها 3 ذهبيات و6 فضيات و6 برونزيات، والحصيلة كانت زايدة فعدد الميداليات مقارنة مع بارالمبياد طوكيو2020، اللي كانت فيها 11 ميدالية، 4 منها ذهبية و4 فضية و3 برونزيات.