كود – كازا ///

قال موقع “ال فارو دي ثيوتا”، بللي السلطات المغربية رفضات، فالايام الأخيرة، عودة مهاجرين سريين حرگو عومان لمدينة سبتة بمبرر أن المظهر الجسدي ديالهم كيبين أنهم بالغين، فالوقت اللي الصبليون دارو ليهم فحوصات ف مركز “لا إسبيرانزا” وقالو عندهم قل من 18 عام.

وكيتعلق الأمر بأكثر من 14 قاصر مغربي قدرو يتحداو الموڤيطا ويحرگو جماعيا، الأربعاء والخميس للي فاتو، على الرغم من الرياح الشرقية القوية والأمواج الهائجة.

هاد الحراگة القاصرين كانو مجهزين ببدلات من النيوبرين وتلقاو المساعدة الطبية العاجلة من الصليب الأحمر.