الرئيسية > كود سبور > المغرب خرج رابح كندا فالشوط الأول وكرواتيا وبلجيكا سالاوه معادلين
01/12/2022 15:52 كود سبور

المغرب خرج رابح كندا فالشوط الأول وكرواتيا وبلجيكا سالاوه معادلين

المغرب خرج رابح كندا فالشوط الأول وكرواتيا وبلجيكا سالاوه معادلين

 

كود سبور//

سالا المنتخب الوطني الشوط الأول من الماتش ديالو ضد منتخب كندا قبل لحظات متقدم بنتيجة 2 لواحد فالجولة الثالثة من كأس العالم قطر 2021.

وسجل 2 بيوتا المنتخب الوطني المغربي فالشوط الأول كل حكيم زياش فالدقيقة 4، من بعدما يوسف النصيري ضغط على كول كندا خلاه يغلط، ورجع النصيري وضرب الهدف الثاني فالدقيقة 23، وفاللحظات الأخيرة ديال الشوط قدرو الكنديين يقلصو الفارق بهدف ماركاه نايف أكرد على راسو، مع العلم أن الحكم حيد هدف للنصيري فاخر دقيقة من الشوط الأول حيث أكرد كانت متسلل ودخل فالقطة.

وبخصوص ماتش كرواتيا وبلجيكا عن نفس لكروب اللي بادي حتى هو فنفس الوقت، سالا الشوط الأول ديالو تعادل زيرو لزيرو.

وفحالة سالاو الماتشات بجوج بنفس النتيجة ديال الشوط الأول غادي يتأهل المغرب متصدر لكروب 6 ، وغادي تدوز معاه كرواتيا ثانية.

موضوعات أخرى

03/02/2023 08:20

كانت كدير الوساطة فلاسيرونس بلا ترخيص.. محكمة برشيد حكمات على مرا بعام ونص ديال الحبس

03/02/2023 07:00

حيفظي باي باي من الباطرونا بسباب التنوعير والقوالب لي مورط فيها مولاه النعمة ميارة