كود كازا//
سجلات صادرات الديسير والخضرة زيادة بنسبة 5 فالمية بمقارنة بالموسم السابق بحوالي 2 مليون طن، مقابل 1,88 مليون طن خلال الموسم السابق، بحيث بلغ حجم صادرات الحوامض 537 ألف طن بوحدها، بنسبة نمو كتوصل ل3 فالمية.
وحسب بلاغ لوزارة الفلاحة، توصلات بيه “كود”،فعموما سجل قطاع تصدير المنتجات الغذائية الفلاحية ومنتجات الصيد البحري أداء مزيان، فالفترة ما بين 1 شتنبر 2020 و27 يوليوز 2021، واخا كاين السياق الدولي الصعيب ديال جايحة كوفيد-19.
بفضل الوضع التجاري الملائم بأسواق التصدير، وصل حجم صادرات الحوامض لكثر من 537 ألف طن، بزيادة 3 فالمية مقارنة بالموسم السابق، وزيادة 22 فالمية للكليمنتين بوحدو.
ووصح حجم صادرات الخضروات ل1.44 مليون طن، بزيادة ديال 6 فالمية مقارنة بالموسم السابق. كيف عرفات شي منتجات نمو ملحوظ، بحال الفلفلة والفلفلو الحمرا (+ 20 فالمية) والفاكية اليابسة (+ 29٪ للتوت الأزرق، + 13٪ للتوت، + 8٪ للفراولة).
اما فالصيد البحري، عرفو الصادرات ديالو انخفاض بنسة 9 فالمية، وزيادة بنسبة 15 فالمية من حيث القيمة، فالفترة بين 1 يناير و 27 يوليوز 2021 مقارنة بنفس الفترة العام اللي فات.
