عفراء علوي محمدي- كود//

المغرب اليوم حطم الروكور فالموت بكورونا، بحيث ماتو 84 واحد، وفالطوطال وصلنا ل4356 متوفي، بنسبة فتك ديال 1,7 فالمية.

وزارة الصحة علنات كذلك، اليوم الاثنين، على تسجيل 3170 اصابة جديدة بكورونا، وهكذا وصل الإجمالي ل259951، بمعدل إصابة  د715,8 لكل 100 ألف نسمة، و8,7 لكل 100 ألف نسمة فهذ 24 ساعة.

وحسب نشرة كوفيد19 اليومية، تشافاو اليوم 3104 واحد، ووصل المجموع ل212905، بنسبة تعافي ديال 81,9 فالمية.

ووصل عدد الحالات النشيطة ل42690، منهم 959 فالإنعاش.

ومن الحالات الحرجة، 50 تدهورات حالتهم غير هذ النهار و73 تحت التنفس الاصطناعي الاختراقي، أما أسرة الإنعاش فوصلات نسبة الملء ديالها ل36 فالمية.

واليوم تستبعدات 15933 حالة، ووصل مجموع الحالات السلبية ل3250466.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي: