عفراء علوي محمدي- كود//

اليوم سجل المغرب رقم كيخلع فالموت بفيروس كورونا المستجد، بحيث ولأول مرة كنتخطاو 100 وفاة ف24 ساعة من نهار بان الوباء.

وتقاسو اليوم 9778 بالفيروس، ودخلو 314 للإنعاش دقة وحدة

وهذو التفاصيل:

التلقيح:

تلقحو اليوم بالجرعة اللولة 81070، وصلنا فمجموع الملقحين بالجرعة الأولى ل15423440، بينما خداو 44300 واحد الجرعة الثانية، ووصل عدد اللي تلقحو كليا ل11114148.

الإصابات:

وتقاسو اليوم 9778 واحد من أصل 45433 واحد دار التحليلة، ووصل عدد المصابين فالمجموع ل711103.

ومؤشر الإصابة التراكمي وصل ل1949,7 لكل 100 ألف نسمة، بمعدل إصابة ديال 26,6 لكل 100 ألف نسمة فهذ 24 ساعة.

الوفيات:

اليوم ماتو 105، ووصل هكذا عدد الوفيات ل10509، بنسبة فتك 1,5 فالمية.

الحالات النشيطة والحرجة:

وعدد الحالات النشيطة طلع ل75818، وعدد الحالات الحرجة وصل ل1692، من بعد تدهور حالة 314 غير اليوم، و58 كاينين تحت التنفس الصناعي الاختراقي.

ووصلات نسبة ملء أسرة الإنعاش ل47,2 فالمية.

حالات الشفاء:

تشافاو اليوم 7365، ووصل الإجمالي ل624776، بنسبة تعافي ديال 87,9 فالمية.

بالنسبة لتوزيع الإصابات على الأقاليم والجهات فهو كالتالي: