الرئيسية > آراء > المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء
20/10/2020 19:00 آراء

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء

محمد سقراط-كود///

السياحة الداخلية المغربية تبدلات وتغيرات وتطورات، مابقاتش عبارة على أسرة مجموعين فطوموبيل هازين معاهم النص فالكوزينة وشادين الطريق عند شي حد من عائلتهم، وأراك للبحر ولا الطبيعة الكوكوط كتصفر وكولشي مشبح حداها والبراهش كيتناقزو، وشي تصويرة ولا جوج فجامع لفنا ورجع من وراها غدا أو حدا السبع دإفران، هاد النوع ديال السياحة باقي ولكن الدولة كتعامل مع المغاربة بحال الى غير هو لي خاص يكون، وبلي المغاربة ممنحقهمش يديرو السياحة على الطريقة الأجنبية، بحال لي كيديرو المغاربة نيت فأوروبا وآسيا وتركيا، عائلات كيدخلو لمطاعم فيها ماكلة زوينة وبثمن مناسب بلا نصب وإحتيال وبلا جعبة، الكبار الى بغاو يضربو الطاسة موجودة والوليدات الصغار كيلعبو حدا واليديهم، راه بزاف ديال المغاربة كيهربو من المغرب فالعطل غير باش يعيشو هاد هامش الحرية لي مسموح بيه للاجانب وممنوع على المغاربة.

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان ، المغرب بلاد عندها الشمس والتنوع المناخي وشوية ديال التاريخ والعراقة وبنادم، وهادشي لي كيغري السائح الأجنبي باش يجي يزو البلاد وخصوصا الأوروبي كيجي يشوف كيفاش كان عايش الغنسان ماقبل التاريخ في المناطق النائية ديال الأطلس والجنوب، ولكن بالنسبة للشباب المغربي وللطبقة الوسطى شنو كتقدم البلاد من غير البحر ديال الله عامر زبل وبلا بنية تحتية وحتى الى تواجدات كتخرب دغية، ومطاعم وبيران سنوات وهوما كيسربيو الشراب مدرح بثمن خيالي، حيت أصلا ممنوع يتباع للمغاربة وكيشربوه بالتخبية ومعندهمش الحق يتشكاو، كوبل مسافرين بلا كاغيط ديال الصداق مايمكنش يشدو أوطيل محترم، خاص يمشيو يقلبو على برطمة كتقلب بريحة الشيشة وفراشها عامر مني بحال شي مختبر ديال التبرع بالمني على برا.

  • فاش سدات الدولة الحدود بسباب كورونا تعالات اصوات كثيرة من أجل تشجيع السياحة الداخلية لي طبعا ماغاديش تعوض السياحة الخارجية ولكن على الأقل تعاون وتدعم، ولكن من غير هاد الأصوات شنو دارت الدولة باش تشجع السياحة الداخلية وهي نفس القيود لي كانت مفروضة على المغاربة قبل كرورونا باقا مفروضة عليهم حتى دابا، مواطن مغربي في بلادو يدوز لكارفور يتقدى الطاسة ممنحقوش ياخد التيكي لي فيه شنو تقدى، بينما واحد أجنبي حداه ياخدو، بالإظافة إلى الاجواء الشبه سرية لعملية تقدى الشراب ولاكاب والباب معزول، باش مايتخلطوش السكايرية مع باقي الشعب، بحال الى كتقدى شي عجب مكاينش، بينما غير سبتة ومليلية الروج حدا الكومير حدا ليكوش فأي سوبر مارشي دخلتي ليه، وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء.

موضوعات أخرى

02/12/2020 19:30

شوهة وصافي. مظاهرة البوليساريو فبروكسيل فشلات. شاركو فيها 20 واحد من عائلة وحدة وممثلهم بشرايا واليسار الراديكالي اللي كيعاونهم غبر ولمغاربة دارو عقلهم وخلاوهم بوحدهم