الرئيسية > كود سبور > المغرب باغي ينظم بطولة العالم لألعاب القوى.. جنوب إفريقيا ومصر والجزائر كاتنافسو
08/10/2019 09:00 كود سبور

المغرب باغي ينظم بطولة العالم لألعاب القوى.. جنوب إفريقيا ومصر والجزائر كاتنافسو

المغرب باغي ينظم بطولة العالم لألعاب القوى.. جنوب إفريقيا ومصر والجزائر كاتنافسو

كود سبور//

المغرب باغي ينظم بطولة العالم لألعاب القوى لنسخة 2025، بعدما قرر يحط الضوسي ديالو عند الاتحاد الدولي للعبة.

المغرب ما شي بوحدو، لي بغا ينظم هاد الحدث الرياضي الكبير، بل هناك 5 ديال الدول الإفريقية قدمات ترشيحها، وهي جنوب إفريقيا ومصر والجزائر وكينيا ونيجيريا.

بزاف ديال الدول الإفريقية عبرات على الرغبة ديالها لتنظيم بطولة العالم مشحال هادي، لكن الاتحاد الدولي كان كيرفض بسبب عدم جاهزية الدول المترشحة.

هاد المرة عوال الاتحاد الدولي باش يختار بلد من هاد الستة ديال الدول الإفريقية، لي بغات تنظم هاد البطولة، خصوصا أن لافريك معمر سبق ليها نظمات شامبيونا ديموند ديال لاتليتيزم.

رئيس الاتحاد الدولي لألعاب القوى، سيباستيان كو، گال على ترشح 6 الدول الإفريقية: “دائمًا ما كنّا ندعم فكرة تنظيم بطولة العالم في أفريقيا. سنكون سعداء جدًا بنقل البطولة إلى إحدى الدول الإفريقية المترشحة”.

المغرب باغي ينظم بطولة العالم، لكن المهمة ما غاديش تكون ساهلة غندو، وغادي يلقا منافسة قوية، خاصة من جنوب إفريقيا ومصر والجزائر وكينيا، لي سبق ليها وضعت ترشيحها فالمرة لي فاتت، لكن الاتحاد الدولي فضل عليها بودابست الهنغارية.

وتجدر الإشارة إلى أن كينيا احتلت المرتبة الثانية، بعد الولايات المتحدة، في عدد الميداليات لي حصلت عليها في بطولة العالم لألعاب القوى 2019، والتي أُقيمت في العاصمة القطرية الدوحة.

موضوعات أخرى