كود سبور//

كشفت جريدة “آس” الإسبانية الشهيرة، أنه كاينة مفاوضات بين المغرب والأسطورة الإسبانية اندريس إنييستا، وأن المغاربة مهتمين به بزاف.

وحسب نفس المصدر فإنيستا ملي اعتزل الكورة، وهو باغي يشد شي بوسط إداري، سوا كمدرب أو مدير رياضي، والمعرفة ديالو الكبيرة بالكورة والخبرة اللي عندو كاتخليه شخصية عالمية فهاد المجال بعد النجاحات ديالو سوا مع البارصا او منتخب الصبليون كلاعب كبير قاد لاروخا للتتويج بمونديال 2010.

ووضحت الجريدة الإسبانية، أن المنتخب الوطني المغربي بقيادة وليد الركراكي وبالرغم من الانتقادات القوية اللي كايواجهها، راه بدا الخطوات الأولى لإعادة هيكلة الإدارة الرياضية، ويقدر يكون إنييستا جزء من هذا المشروع، وهذا الشي ضمن انتظار المغاربة كاس العالم 2030 بالمغرب وباغيين يديرو جهدهم كامل باش يربحو اللقب.