كود سبور//

غايبقى الاطار الوطني أكرم الروماني مع المغرب الفاسي، باش ياخد الفرصة ديالو، ويبين انه قادر على تدريب الفريق.

وكشفت مصادر مطلعة، أن ادارة المغرب الفاسي قررت تخلي أكرم الروماني كمدرب للفريق حتى نهاية الموسم الحالي، وتعطيه فرصة لقيادة الماص، بعدما بين انه قادر على هذا الشي ملي كلفوه بالفريق مؤقتا بعدما تفارقو مع الطالياني أرينا، وحقق الروماني نتائج ايجابية من بينها الرباح على الوداد فكازا بـ4 لواحد.

نفس المصادر وضحت، أن ادارة المغرب الفاسي، قررت وضع الثقة في أكرم الروماني، واذا نجح في مواصلة النتائج الإيجابية حتى نهاية الموسم الحالي وتحقيق مركز مع فرق مقدمة البطولة غايزيدو معه موسم اخر.