كود سبور//

مازال المغرب التطواني ما اختارش المدرب الجديد، اللي غيكلفو بتدريب الفريق ابتداء من الموسم الجاي، والمسؤولين ديالو حايرين شكون يختارو وفي من يديرو الثقة.

لجنة تصريف الأعمال، اللي تعينت نهاية الأسبوع الماضي، بعد استقالة المكتب المسير السابق برئاسة رضوان الغازي، دارت هذه اللجنة اجتماع البارح بالليل باش تحسم فاسم المدرب الجديد للفريق من وسط المربين اللي توصلت بالسيفيات ديالهم، ولكن بقات حايرة وماقدراتش تختار شكون الربان الجديد للماط.

وقررت لجنة تصريف الاعمال بنادي المغرب التطواني تأجيل اختيار المدرب الجديد لمدة 24 ساعة، مع العلم أن الفريق خاصو يبدا يوجد للموسم الجاي ويدخل فمعسكر تدريبي.