الرئيسية > كود سبور > المغرب أصغر منتخب فربع نهائي كأس العالم
08/12/2022 10:58 كود سبور

المغرب أصغر منتخب فربع نهائي كأس العالم

المغرب أصغر منتخب فربع نهائي كأس العالم

كود سبور//

كيتعتبر المنتخب الوطني المغربي الأكثر شبابا وسط المنتخبات اللي تأهلت لربع نهائي كأس العالم قطر 2022، وهو الدور اللي وصل له المغرب لأول مرة فالتاريخ ديالو، وغادي يلعب فيه ضد منتخب البرتغال السبت الجاي فتيران الثمامة فالعاصمة القطرية الدوحة.

وكيبقى معدل متوسط الأعمار فالمنتخبات الثمانية ديال ربع نهائي كأس العالم قطر 2022، قريب بزاف ما بين المنتخبات، وكيجي فالمركز الأول كأكبر منتخب فالسن البرازيل بمتوسط أعمار كيبلغ  27.9 سنة، وفالمركز الثاني منتخب الأرجنتين 27.8 سنة، ومنتخب كرواتيا اللي لعب ضد المغرب فأول ماتش من مونديال 2022، بمتوسط عمر كبيلغ 27.4 سنة.

وبخصوص منتخب البرتغال خصم المغرب فربع النهائي، كيجي فالمركز 4، ومتوسط العمر فيه هو 26.8 سنة، والخامس هو منتخب هولندا اللي متوسط أعمار اللعابا ديالو 26.6، ومن بعد منو فالمركز 6 منتخب فرنسا حامل اللقب اللي عندو 26.5، ومنتخب الننكليز هو السابع بمعدل 26.4، ثم المنتخب الوطني المغربي اللي هو أصغر منتخب فالسن فهاد ربع النهائي بمتوسط أعمار كيبلغ 26.2 سنة.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب