كود سبور//

بدا المغربي عمر برادة الخدمة ديالو فنادي مانشستر يونايتد النگليزي كرئيس تنفيذي، بعدما تم التعيير ديالو قبل اشهر كرئيس تنفيذي للنادي.

وعلن عمر برادة مول الـ46 عام، اليوم السبت على موقع LinkedIn انه بدا الخدمة ديالو كرئيس تنفيذي لنادي مانشستر يونايتد لكرة القدم ابتداء من اليوم.

وحسب موقع manchestereveningnews الإخباري النگليزي، فالمهمة ديال عمر برادة الاولى فمانشستر يونايتد هي يرفع تقرير على شنو واقع فالنادي اللي بعد بزاف من التتويج بالألقاب السنوات الماضية، إلى الملياردير النگليزيجيم راتكليف مالك النادي.

وكان عمر برادة هو الرئيس التنفيذي لعمليات كرة القدم، فگروب سيتي (CFG)، اللي عندهم مانشستر سيتي غريم مانشستر يونايتد و12 نادي آخر حول العالم من 2011، وخدم قبل منها حتى فالبارصا ملي كانو مسيطرين أوروبيا.